聖誕愛聚會

wooo.....期待已久的聖誕'愛'聚會今天終於在kei師傅家中舉行了!!!場面真的令人感動!!!說真的,我十分喜歡今次聚會的主題-聖誕'愛'聚會,哈哈!!!這個名字真的十分貼切啊(sam sam想的^^),聖誕節是普天同慶的日子,如果可以與身邊的家人朋友聚首一堂歡聚,實在是倍感幸福和溫暖!!!而大家可以聚首一堂,當然大家心中都充滿著愛吧!!!
heee.....我們一行差不多20人擠滿了kei師傅的家,在bonnie悉心的安排下,我們的節目便開始了......
2:30 - 3:00PM 集合及乘小巴前往聚會地點
3:00 - 4:00PM 歡迎參加者及茶聚
4:00 - 5:30PM 遊戲時間
5:30 - 5:45PM 神秘節目：為kei師傅預祝生日
5:45 - 6:00PM 交換聖誕禮物
6:00 - 6:30PM 清理現場及預備美味晚餐
6:30 - 9:00PM 享用晚餐了
9:00 - 9:15PM 終極大抽獎及大合照時間
9:15 - 9:30PM 聚會完畢及清理現場


美食當前....哈哈!!!美味啊!!!

kei師傅的生日蛋糕啊!!!

這是我最想學的一個菜式-芝士煙肉焗生蠔

是不是很豐富呢???當然啦!!!今次的策劃是kei師傅,sam sam,bonnie & elsa,哈哈!真要為他們鼓掌啊!當然還有kei師傅的2個可愛女兒啦,她們2個很忙地娛樂我們,令我們有賓至如歸的感覺啊!!!
我真的十分開心和興奮,還有點點不捨得的感覺呢.....
我們各人原本互不相識,因為大家都有著共同興趣,有著共同話題,有著共同的一顆'心',令大家成為好朋友,實在是令我感動!!!同時令我慶幸自己喜愛煮食,因為'煮食'令我識到那麼多好朋友,廣結良朋!!!真的,真的多謝你們!!!希望大家繼續努力,下次再會吧!!!

紅綠聖誕糕^^

hee...這個名字是我改的,可愛嗎???你估下它究竟是什麼???
叮!開估了!其實這是紅豆綠茶mousse cake,我是取其'紅''綠'以貼切聖誕的氣氛啊!因為今日是boxing day,我們將會到kei師傅屋企開christmas party啊!當然我們如往常一樣,每次聚會我們都要做一樣食物去赴會,我今次就選擇了這個mousse cake,希望不會溶化吧!!!
我的構思是有一層紅色和綠色的手指餅圍邊的,那樣'紅''綠'就更突出,蛋糕造型就更可愛了!之前以已經買了紅色和綠色的食用色料,但我今次整的手指餅又失敗了,麵糊太'希'所以唧出來的條紋不太像樣,有些更連成一團麵餅啊!唉!手指餅不成型,我完美的計劃做不到了......
那個聖誕老人糖膠公仔及'merry christmas'朱古力牌是我上次到新港城cakebase買材料時看到的,很可愛啊!!!但因為是那個老闆親身由日本帶回來,所以盛惠25元及15元吧!!!

淡淡的栗子蛋糕

今天是普天同慶的聖誕節,但我沒有相約朋友出外慶祝,因為今天是祖母生辰,晚上家人總動員訂了酒席賀壽,筵開兩席宴親朋.
我這個孫女當然要獻獻醜,下午在家弄了這個淡味栗子蛋糕,因為祖母有糖尿病,所以這個蛋糕是低糖低油的.不知祖母喜不喜歡這個小小蛋糕呢???
晚上我到達酒樓放下蛋糕,眾人立時起哄,我們隨即影影相,切蛋糕,嘻嘻哈哈!!!好笑的是因為我弄了個6吋蛋糕,有位親戚取笑我為何弄那麼小既蛋糕,問我是不是沒錢買材料啊......

十分平安的平安夜....

今年既平安夜boss大發慈悲俾我地放埋果半日,但....係要扣半日大假!!!都好啦,好耐冇試過星期六放假了,所以朝早早了點起身同屋企人飲茶,之後出旺角同vicky行街街,陪佢去買衫做姊妹啊!
出到旺角真係好多人啊!!!woo......好迫好迫!!!我地目標為本,我要買boot,佢就要買姊妹裙,我地響我地既目標出發......我好快就買到我想買既boot,vicky都心郁郁想買喎,呵,行到最後佢都返去間鋪度買返心儀既boot,唔知佢係咪真係會著呢???
而姊妹裙呢......就比較棘手,行左好多間都睇唔o岩,行到vicky小姐無晒心機,扁晒咀咁!我地行到花園街既街尾,呵呵!終於皇天不負有心人,我好響一間鋪到睇o岩左幾條,sales姐姐仲好好咁叫我地俾左一條錢先,之後可以試埋其他果幾條,試o岩先多除少補喎!哈哈.....終於完成任務!望一望錶,係時候返屋企了!
原本諗住上vicky屋企同埋佢family食飯順便學下勾野,但媽媽打電話黎話打邊爐喎,咁我就返左屋企同埋表妹仔一家,珍姨,姨媽姨丈一齊打邊爐.....wooo....咁就過左個好平淡但好warm既平安夜!!!

merry christmas!!!

貼心又貼身的聖誕禮物

昨晚我地舉行了early xmas party,有5名核心成員出席.哈哈,我地去左shooter's 52到食大餐,點解要去果度食呢???首先我覺得xmas梗係要食西餐啦,食日式or中式總係覺得格格不入!另外我鐘意佢一定唔會趕你走交檯俾人,檸檬茶又無限refill,我呢個'吸水怪'就最o岩了!!!最後係vicky話想食個洋蔥花原來係shooter's先有,佢生日果次響tony roma's食既係洋蔥圈黎啊!!!

好大個洋蔥花呀

我地大擦一餐後,戲肉來了......今年我地為各人都貼身又貼心咁選購聖誕禮物,一人一份,永不落空!!!我地set左每份禮物要around $50,大家要用用腦,諗諗各人既所愛所需了!!!

果個亞棠話忙,又話我地咁遲先notice佢,佢冇時間買禮物喎,竟然兩手空空黎食飯....哼!!!咁我地4個就'差'過睇下邊個送先嘞!

首先輸既係vicky,佢送左電髮器俾我(佢話我叫左咁耐想電髮都唔電,所以俾我試下先整個樣),棠既係鬚刨連mousse,哈哈!raymond既係本貓貓圖片集(佢原來仲鐘意貓ga!!!)!亞妏就係olay保濕mask(佢話你要補下再戰江湖呀!!!)

第2係raymond就送出同款不同色既lego月曆,我抽到綠色(嗚嗚嗚...唔係黃色啊!),vicky係粉紅色,棠係黑色,妏係啡色....哈哈!!!連d colour都咁fit各人既.....

之後係亞妏送出禮物,個傻婆誤會左我地個budget係$100,所以佢份份都over budget,哈哈!!!我地抵晒呀!!!我又收塔羅message card呀,hee....我好鐘意呀!!!佢原本話生日先送俾我做禮物,估唔到佢咁快就送俾我了......呵!!!等我日日抽返張message先!vicky就收到個好靚好襯佢既民族袋,棠收到條溫暖頸巾(我原本都諗住買頸巾俾佢呀),raymond既係'史力奇'水晶球!

最後就係我送禮物嘞!我買個米奇手手按祥器俾佢,佢成日話腰酸背痛嘛!亞妏既禮物係蜜糖潤唇膏同冷帽一頂,等佢sweet d,潤d同暖d!raymond就得到'新幹線'冷暖手包同古古力薯片一筒,冷暖手包for佢行山用ga,古古力薯片個個都吼住想打刧呀!而亞棠我就送左2對運動襪俾佢,佢係最sport果個嘛,又話gym又話踢波,實o岩佢啦!!!

最好笑既係大家都對我副message card好有興趣,清晒檯後,大家就人人抽一張,亞妏就梗係要'開壇作法'為各人指點迷津啦!!!哈哈!!!今年既聖誕聚會都幾好玩啊!!!真係有warm既感覺^3^

xmas魔咒

我的咳嗽未有好既跡象......唉!!!我既聖誕魔咒又一次應驗了!!!早在TI時期既一年聖誕節,我正正在12月23號開始發病,由普通咳嗽到後來既發燒,幾天公眾假期我就在家中,甚至床上渡過,最後到了27/8號才痊癒!!!由這年開始,這個魔咒每年聖誕都應驗,我每年聖誕都會在疾病中渡過......今年也不例外,我由12月頭開始感冒,之後還入了腸胃.這邊廂感冒痊癒,轉眼又患了咳嗽,情況都幾嚴重啊!!!我試過連續一個星期每晚都咳醒,要起床去下洗手間,飲杯水再上床訓過!!!
點解我年年聖誕都係病呀???幾時先可以降除呢個魔咒呀?????

世貿之我感

昨晚睡得不好,除了因為我咳了一個星期,在睡夢中咳醒外,最主要原因是因為昨晚看著電視,觀看反世貿人士由和平既遊行,演變成激烈既騷亂,一幕幕農民和警方對峙既場面映入眼簾,對我這個香港人來說實在震撼!!!在世貿會議舉辦之前,我諗我同大部分既香港人一樣,連世貿會議有何作用,會議既議題是什麼也不知道.到最近,會議舉行在即,電視報章開始報導有關會議既新聞,這時我才開始知道世貿會議是什麼一回事......令我最深刻的,是有一個周末晚上無線播出既'樂施會-貿易要公平'特輯!睇完這個特輯,驚覺原來發達國家有緩助金提供予該國農民,令其農產品出口價格大大降低,而這些農產品出口到發展中國家時,就因為價格便宜,人人都爭著買便宜的進口貨,令當地生產既農產品生意大減,嚴重影響當場農民生計!!!我們香港人絕對係幸福既一群,我們正正就是享受緊世易帶給我們既價廉物美,款式多元化!但原來響世界既另一方有著那麼不平等既待遇!!!
我是十分同情那些農民的.....十分支持他們提出訴求,提出對世易既不滿!!!見到他們一張張無奈既臉孔,看到他們一個個辛酸既故事,我心真的很酸很酸!!!
我在此要多謝香港既警察,他們今次真的做得好好啊!!!之前我對香港警察的評價不是太高,我始終喜愛消防員多些,但經過這個星期六,我真的對他們改觀了!!!之後我想起sammy男友馬仔是其中一份子,sammy同我提及馬仔需要做前線啊!!!我立即很擔心了......想致電給sam sam,但不知他需不需要工作,之後決定send email給他,關心一下吧!!!記住煮多幾味小菜給馬仔,畏勞一下他了!!!^^

一日三作

星期五行supermarket時竟然發現芒果既縱影,哈哈!我當然二話不說放左5個落購物車了,之後發現一pack四個芒果特價$6,咁....我又放了一pack落車仔了!!!買左想買左好耐既芒果,然後我就買埋strawberry,香蕉,牛奶,椰絲......等等材料返屋企,諗住星期六放左工就返屋企大顯身手,點知星期六一起身就有d唔舒服,放左工返到屋企就去訓覺了!!!
星期日十一點幾起左身,叫醒左三妹一齊落街食野,食完野返到屋企就開始我既'煮食工程'嘞!!!首先整既 ......清蛋糕,因為我要整個mango mousse cake,所以要整個清蛋糕做base.之後我就整椰撻了! 首先當然 整撻皮啦!搓下搓下,轉眼間就完成,可以放入雪櫃雪住先.然後到煮撻餡,原來椰撻要用好多糖 .....都係唔好食咁多了!!!哈哈!!!

整好左椰撻放左入爐後,我就著手整香蕉蛋糕嘞!!!哈,一路整,一路聞到椰撻既香味,又要一路睇火,又要整爛d香蕉....一心幾用!!!哈哈!!!出黎既效果又蠻不錯喎!!!等我明天拎d俾grandma食先....

最後就係mango mousse cake嘞!其實對呢個cake有dd陰影,因為有次上sam sam屋企佢地整過一次,我響屋企自己又整個一次都唔成功,可能因為天氣涷,d魚膠mix唔到落去d mousse度,一脫模個cake就倒塌了!!!好彩,今次終於成功了.....仲好好味添,可能因為d芒果好熟好甜啦!!!所以我好多時都會買d平既生果做材料ga!!!

哈哈!!!整完三樣作品,望一望鐘,差唔多夜晚9點了......woo.....我響廚房足足整左差唔多6個鐘呀!!!厲害!!!heee....^^但係,仲要洗碗,幫作品影相,又想睇'魔戒二部曲'喎......點算呀???好累啊!!!

如果.愛

呵呵!!!我等左好耐既'如果.愛'昨日終於上映了!!!我這個金城武fans之前已經決定一上映我就會去睇ga,我梗係講得出做得到啦!!!哈哈!!!
昨日早上我一返到office就上網check下個銷售情況,因為我有2個麥提蕩吉包,可以$30睇戲,但只可以買即日既飛,所以我要check下我想睇果場多唔多人睇,結果中間既靚位已經俾人買得7788,所以我二話不說,上網訂左飛先,果2個吉包......下次先用啦^^
我一放工就走人了,橫掂冇咩做,早d出去行下街,買下xmas gift好過!!!去到朗豪坊行左一陣,之後搵位食飯,差唔多9:15pm,我就行去戲院睇金城武....heee!!!
套戲其實幾得意呀,好似nicole kidman套'情埳紅磨坊'咁,做做下戲又會有歌舞,,張學友唱得好人人都知,金城武唱歌....哈!!好耐冇聽過了!!!佢好耐之前出過唱片ga,我當然有買啦!!!個story好簡單-三角戀,金城武同周迅十年前係戀人,但周迅為了要出名而離開了.十年後周迅已係著名演員,同著名導演(張學友)相戀,金城武亦輾轉做了著名演員,佢地因一套戲而一齊合作,從而燃點起金城武同周迅埋沒多年既感情.......雖然套戲比較平淡,但可觀性都幾高呀!hee....咁我當然加上我既主觀因素啦!!!哈哈!!!^^

一不思議事件

昨晚又創左個新紀錄,一個人響公司ot新紀錄-2:50am......之前試過2:00am,但之前幾次有同事一齊呀,今次得我一個人,講真,真係幾驚呀!!!次次ot到凌晨都係因為要出tender,次次都唔中,次次都係晒心機捱眼訓,唉!!!之前老細仲要同秘書一唱一和,話我唔知有冇得走,可以要響公司訓,聽朝會有人開門(bcoz秘書放假,要有人開門俾個同事),我真係一肚火囉!boss仲要一句唔鐘意,5:30pm先改晒個圖,即我要差唔多要重新畫過!!!!!!!
當我做到12點幾,諗住由一個之前做好既file度merge個structure去我依家做緊既file度,但.....我響個folder度唔見個file,搵過晒我自己既job folder都冇,連'資源回收箱都冇呀!!!我當時真係晴天霹靂,響度諗:唔係咁夜先黎玩我呀???如果我畫過個file,真係唔駛走畫通頂了!!!響我欲哭無淚既時候,我左找找,右找找,神推鬼擁咁找到去3d studio max既folder度,咁check入去見到有個'gloria'既folder,再click入去見到呢個job既folder, o my god!!!d files響晒果度呀...........help.....!!!!!!!我即刻好驚呀!!!!點解佢地會走佬ga???仲要係幾個files都響果度呀!!!
我自己個job folder入面得返我自己用緊既file咋!!!我覺得我會有可能delete左個file,但冇可能一次過save左佢地去第2個地方囉!!!仲要有埋個job folder喎!!!嘩!!!我當時得我自己一個響公司,一陣間仲要熄燈,鎖門....woo....!!!但我好快就收拾心情,bcoz要快d做埋d野.....

係咪有d奇怪呢?????? #o#"

生日快樂!!!

今日係EDDY先生既生日,嘻嘻!生日快樂啦!!! 又大一歲啦,乖乖地嘞!!!我會補返生日蛋糕俾你ga,放心啦!!!hee...^^
唉,我仲響office努力緊....唔知幾時先走得了.........v_v

損友

近期好鐘意聽呢首歌......唔知點解,我一路聽,一路都好似好有共鳴咁,每一次開著mp3,好自然就會search去呢個track, 一定會聽佢一次!

損友 -容祖兒

作曲:伍仲衡 作詞 李峻一 編曲:藝琛 監製:舒文

我曾伴你通宵 飲過酒
亦曾被你燻得滿身煙臭
何時與你成為摯友 同走過寂寞時候
而難與你成熱戀的對手
寧願留下友情 情份更是永久

誰更清楚 清楚你的風流　
纏住你手 只怕熱淚會流
和你能扮演好友　男士那般搭膊頭
和你牽手 只恐怕太荒謬　
還是當你一位損友
沒寄望 沒強求
若我離開 你不曾內疚
(縱使找到新歡 你也會笑著不內疚)

願能在你失意熱情慰問
未能被你酒後趁機一吻
誰人與你成為愛侶 能保證絕無掛慮
談情說愛 何日都可告吹
寧願留下友情 傷心都只可鬥咀

誰昨晚共你一起 用情如像遊戲
我沒福氣去責備你　無謂揭露誰在妒忌

就怪我太清楚 清楚你的風流　
明白你 一世亦貪新厭舊
我寧願當好友 無愁無慮地碰頭
和你牽手 只恐怕太荒謬　
還是當最終生損友
沒寄望 沒強求
若我離開 你不曾內疚
是友情 沒強求
永開不到口 愛戀有沒有

新紀錄-104分

突然好想打保齡球,於是昨日msn約elaine今日去玩,哈!!!又一次即興!!!
今日放左工,2:30就去到黃埔,我地去詠黎園食擔擔麵,話晒都剛病好,但估唔到自己咁好胃口,食晒一碗擔擔麵加2隻小湯包,wooo...好味!!!好耐冇食過lu!!!
之後我地就落樓下保齡球場一展身手啦!好好笑,我地又係去返9號lane,同上次一樣喎!!!我第一局表現出奇地好,哈哈!!!竟然得到104分呀,我既舊紀錄係103分,唔知點解咁神勇喎!!!呵呵!!!我總算對亞教練有所交代了!!!^^呢局我真係算掌握得幾好,d波好直ga(之前成日俾人話我碌唔到直線),但可能我唔夠力,一路都打唔到全中,唉!!!其實今日d波幾好笑ga,成日都差一枝,我有好多球諗住可以補中,但點都差一枝喎!!!有幾次係個樽搖搖下,之後企返定定,唔趺,真係激死!!!

進步中既唧花曲奇

其實係前幾日整ga,但因為病左冇精神整d相.....自己既唧花技巧開始純熟,但都仲係唔靚,哈哈!!!要加以練習先得了!!!今次整左牛油味同芝士味....yummy!!!