我終於病倒了.....

我終於敵唔住呢d忽冷忽熱既天氣病左啦!!!昨日清晨扎醒時起身成身汗,但感覺到涷涷地,所以蓋去張被再訓過.訓到8點3起身時,個人占寒占涷暈陀陀咁,有d唔想返工,但諗起fat boy有個圖要趕,廢事佢又黑面啦,所以最後都返左工!!!返到去食左早餐,開始感覺唔舒服了,個胃頂住頂住咁,坐多陣開始有反胃既感覺,feel到想嘔呀!之後來回toilet幾次,一feel到想嘔就走去toilet,到左大約11點終於嘔得出嘞!一次過嘔晒d早餐出黎,嘔完後感覺舒服好多了!!!lunch time我完全冇胃口,食左2啖就走去午睡了!個個fd知道我咁都叫我快d走,快d返屋企睇醫生,但我都冇走到,見訓左一陣又好左d,所以一路捱到6點放工先返去睇醫生.醫生話我係'感冒性腸胃炎'呀!!!佢叫我唔好食固體既野,食粥就最好啦!咁我就乖乖咁買左碗白粥返屋企,好勉強咁食左半碗,食左藥,8點我就走去訓嘞!!!12點幾妹妹黎叫我起身食藥,我食埋果半碗白粥食左藥,好快又上床訓過了!!!
今朝起身其實已經好d,但都仲係周身痛,頭重重,好累既樣子,所以都係捱唔到,打返公司請半日假啊!之後訓到12點先起身返工!哈!我諗我應該訓左15個鐘囉!好耐未試過啦....正呀!!!

豬豬&仔仔

我係仔仔

我係豬豬

仔仔:幾時返屋企呀?我好累啦!!!幾時有飯食呀???

佢地係咪好cute呢???似唔似明星呀???佢地你auntie mon既2隻鬆獅狗呀!!!一仔一女,女既係豬豬,仔就梗係叫仔仔啦!!!佢地一歲大咋!但係佢地已經好大隻啦,佢地d毛毛一層層咁,好軟熟ga,如果冬天可以攬住佢地,同佢地同眠就好了!!!

今日係媽媽同爸爸既結婚週年紀念,亦都係auntie mon既生日,佢地約左一齊去西貢遊艇會bbq慶祝,哈!咁我就做左孝順女,阿佢地一六齊慶祝,順便同2隻狗狗玩下啦!!!響我到達之前,豬豬同仔仔已經響西貢玩左半日啦,所以我見到佢地時已經有d累既樣子啦.

豬豬比較為食,見到我地bbq,個個食得好開心,佢就有d唔耐煩了,佢係咁望住我地,但我地又幫佢唔到喎,因為佢地唔食得雜食,只可以食狗糧呀!!!爸爸燒完牛扒後俾隻手豬豬聞下,豬豬聞兩聞,'lam'兩'lam',見爸爸冇反應,冇想俾佢食既意圖,佢就用隻手拍下爸爸隻腳,叫爸爸俾佢食啦....哈哈!!!真係'為食豬'呀!!!

芝麻麻糬波波

去bbq前冇咩做,原本諗住整個生日蛋糕俾auntie mon,但媽媽係咁話趕唔切唔俾我整,搞到我一去到auntie mon就問我整左個咩cake俾佢....唉!!!真係瘀!!!
呢隻波波我好鐘意食ga,成日都響A1買,終於今日試整左,個味都ok既,but唔夠煙'un',焗完即食就ok,但放涼就變硬了!!!哈,我整芝士波波咁成功,冇理由麻糬波波唔得既,下個week再整過先......

終於儲齊了.....

hee...恭喜晒!!!我終於儲齊ok便利店既miffy啦!!!終於完成呢個'創舉'啦!!!真係多得同事們既幫助嘞!!!如果無佢地既幫助,我有排都儲唔齊呀!!!真係唔該晒!!!

但我發現左個問題,點解隻閃爍版冇勾仔俾佢既???咁....佢咪自己一個冇位坐囉???

贖金???

金裝版winnie the pooh

金裝版mickey(唔知點解有人話俾我知佢係Eeyore)

今日終於接收左金裝版POOH返黎了,原本以為有POOH同EEYORE,但有人報錯料,等我空歡喜一場添!!!昨日又整左D香香牛油曲奇,原本諗住可以有人請我食飯ga,點知我唔記得我有亞POOH響佢手上,亞POOH就變左'贖金'了!!!算啦,我總有機會既....hee....

'燒雞翼'聚會

呢排天氣極好,秋高氣爽,絕對係燒烤既好日子!!!今次既燒烤聚會原本係上個月既30號舉行,但果個星期六亞懷撞車,我地仲邊有心情燒雞翼呀,所以將聚會延期至今日!唉,今次既聚會實在發生左唔小既小插曲!!!
今次我地既目的地係馬鞍山白石俱樂部燒烤場,風景唔錯呀!!!但可能係沿海既關係,一路都好大風,都幾涷呀!!!好多人都帶狗仔黎玩,我見到有隻古代牧羊狗呀,好大隻ga,毛茸茸,冬天攬住佢就好了!!!哈哈!!!
我地一路燒到7點,大家已經盡興了,而且天氣有d涷,所以大家決定走人.返到新港城後,我地去左食糖水潤下,試左一間我想試左好耐既糖水鋪, e,又真係唔錯喎!!!可以再幫襯喎!!!hee....~~~

麵包布丁

今日星期日,終於有覺好訓了!!!訓到12點先起身,食左少少野之後我又心郁郁想開爐啦!!!媽媽係咁話我傻左,中左毒呀!!! 呵,我認呀!!!
之前睇左elsa個blog,見到佢整左個藍苺麵包布丁,哈!!!幾得意喎!!!我又未食過麵包布丁......咁我就膽粗粗試下啦!!!參考左elsa既recipe,原來所用既材枓十分簡單,製作時間又短,走入廚房整左一陣,好快就搞掂入爐嘞!!!
哈哈,出黎既效果都幾好啊!!!新鮮熱騰騰,好味啊!!!

誠實豆沙餅

呢幾晚放工都出左街,實在有d累啊!!! 所以今日下午決定唔去街,返屋企攤抖下,睇下今晚台慶嘛!!!響睇台慶之前既空檔,hee...我又開工啦!!!
今次整左豆沙餅,響我整既時候又忽發奇想:整第二d樣得唔得呢???整細個d會唔會好難呢???咁我呢d designer, 諗到既,覺得係可以既,就梗係唔理三七二十一,試左先算啦....哈哈!!! 初頭幾塊因為未掌握到,所以唔係好靚,我再接再厲,慢慢掌握到技巧,呵呵!!!我d可愛既豆沙餅成功了.....有大心心,細心心,花花 & 人仔.細細個,容易食....連表妹仔都食唔停,係咁問我攞呀^^

浪漫手機

呵呵,周杰倫終於出左佢一年一度大碟'十一月的蕭邦',我身為忠心fans梗係已經買左佢既新碟啦!!!新碟入面我留意到一首幾得意既歌叫'浪漫手機'.可能我是一個鐘意用sms通訊既人,經常會攞住手機打message,有時可能係一d無聊事,有時可能係提醒對方某d事情,有時我都會用sms打d鼓勵,窩心一點既說話send俾朋友,哈!可能我比較怕醜,總覺得有d說話好難面對面或在電話中講出的!!!而且有時打電話俾對方,可能對方剛好不方便談話要快快收線,那麼我就會覺得自己好似阻住人地了!!!所以我喜愛用sms,我可以一次過說出我需要講既說話,不會因他忙碌或冇接電話而講唔到,就算他在忙,沒有開電話,到他空閒時,他一定會發現我既sms,一定唔會miss左嘛!!!

　
浪漫手機

詞：方文山 曲：周杰倫 編：洪敬堯

輕輕放　我就是卸不下對妳的喜歡
原來愛會慢慢增加重量
想關上這城市所有的燈光
黑暗中專心聞妳的髮香

這夜晚　讓暗戀很有畫面感　
回想與妳約會過的地方　
都捨不得刪在腦海裏儲存欣賞

妳微笑瀏覽　手機裏的浪漫
原來真心送出愛是這麼簡單
溫習螢幕上　妳可愛的模樣
關於緣份的解釋我又多傳了一行

妳微笑瀏覽　手機裏的浪漫
原來愛情可以來的這麼突然
短信的橋樑　將曖昧期拉長
我們的感情蔓延滋長用文字培養　在虛擬土壤

電視牆　吵雜的情歌還在拼命播放
我安靜在鬧區等來電鈴響
有一些話打好了卻不敢傳
怕收到信息的妳在為難

街道上　人潮襯托我的孤單
想像 誰幸運的陪在妳身旁　
卻誤會一場 妳也在等妳手機響

妳微笑瀏覽　手機裏的浪漫
原來真心送出愛是這麼簡單
溫習螢幕上　妳可愛的模樣
關於緣份的解釋我又多傳了一行

妳微笑瀏覽　手機裏的浪漫
原來愛情可以來的這麼突然
短信的橋樑　將曖昧期拉長
我們的感情蔓延滋長用文字培養　在虛擬土壤

muffin孖寶

double chocolate muffin

blueberry muffin

hee...無錯!!!又係muffin!!!今次係因為grace既要求而整既......冇落蛋呀!!!(佢有傷口唔食得嘛)但我覺得冇落蛋,muffin既味道始終爭d啊!!!又有早餐了!!!哈哈!!!

醜陋的朱古力蛋糕

哈哈!!!佢真係物如其名呀!!!個樣真係幾醜......我之前只係知道佢叫'classic chocolate cake',見到佢雖然個樣唔靚,但我知佢有濃濃朱古力味,我這個朱古力愛好者梗係唔會放過啦!!!今日係珍姨既生日,當然我這個'業餘小廚師'一定會為她準備一個生日蛋糕啦!!!所以我昨晚便揭揭蛋糕書,見到這個蛋糕,它原來有另一名字-ugly chocolate cake,雖然佢個樣不太討好,但我諗味道可以搭夠啊!!!
呵呵!!!果然不出我所料,這個蛋糕真係有濃郁既朱古力味,因為食譜內沒有麵粉,所以這個蛋糕既口感比較實,配上70%既Valrhona朱古力,woo....入口苦甜,真的好美味啊!!!我相信珍姨應該好滿意這個生日蛋糕吧!!!
那個為食二妹竟然一個人食左3件,仲已經落左order叫我下次再整啊!!!(點解佢可以食咁多都唔生肉ga....羨慕中!!!)

祝妳生日快樂!!!身體健康!!!樣樣都good啦!!!

If only......

昨晚同grace去睇左呢套戲,真係比我預期中好看啊!!! 其實個故事十分簡單,講一對情侶相處有點問題,其實大家係深愛對方既,但男方經常因為忙於工作,沒有將心意說出來,忽略了女友既感受,令女友感到不快......男友在的士司機開解後,知道自己是不可能失去女方,但一次交通意外女友傷重死亡,男友悲痛欲絕!!!第2天早上,男方一起身嚇見女友睡在身旁,之後發生既事情同'昨天'是一樣的,只係秩序有點顛倒.男方開始驚覺'那個夢'將會成真,'昨日'發生既事會陸續發生.....男方重遇那個的士司機,司機唯一對他說:要珍惜她,因為時間無多了!!!男友開始'重新'對待女方,陸續將愛意表露,令女友感十分開心幸福!到了'昨晚'發生意外既時間,男方選擇同女方一起上了的士,用身體保護著女友,最終男方死亡,女方只是受了輕傷!!!
我睇完好感動呀,睇到喊啊!!!女主角唱既2首歌好正,好fit套戲,d歌詞好感人呢!!!我覺得套戲既message好強,叫大家珍惜眼前人,因為你往往唔知下一分鐘會發生何事,如果你真係錫呢個人愛呢個人,你就要話佢知,一定要俾佢知道,否則後悔既會係自己!!!其實都令我諗左好多野,有時可能礙於自己既面子,怕瘀,怕醜,好多野都冇同身邊既人分享,我希望自己可以講多d,做多d,表露多d,令身邊既人可以感受到我對佢地既愛同關懷啦!!! *v*

忙裡偷閑之作

很累!!!呢個weekend我都好忙!星期六一放工就趕去聖德助撒醫院,因為亞grace 2點做手術,我想趕去見一見佢,無奈放工時間塞車,我去到既時候已經2點了!!!之後上去canteen搵auntie,uncle,伯娘同gary(原來個衰人一路都冇走到!!!激死!!!),一路同佢地傾計,見到auntie個樣好累,知佢一定好擔心了!!星期五晚同grace食飯時已經覺得佢心情唔好,問佢關於手術既野只係答我唔知,知佢其實唔想做個手術,想去睇多個醫生,又唔想剛返工冇耐就講咁耐病假,所以都有d驚佢突然話唔做手術ga......
auntie佢地係咁問我食唔食野,飲唔飲野(因為我冇食到lunch),但我完全冇肚餓既感覺......我地坐到4點就落返病房等佢出黎了!差唔多4:45,護士終於推佢返黎啦!!!見都佢已經醒左啦,仲係咁嗌痛添!!!見到佢冇事,陪左佢一陣,我同gary就走了!!!

同gary食左個下午茶,我就去大埔探亞懷,佢上個星期六揸電單車時俾私家車撞到,其實只係皮外傷,但可能撞到神經線,半邊身有d麻痺,要用拐杖行路,佢仲要一個人住,冇人照顧佢......途中亞懷打黎話佢條key俾個fd攞左,開唔到門俾我,所以我返左屋企了......

今朝十一點幾俾gary打黎嘈醒,起身後好想好整開爐整野,所以好快咁整左呢個'車厘哥夫曲奇'了!!!真係方便快捷又好味,好鬆脆,好香牛油味,都幾似'車厘哥夫'既出品呀!!!哈哈,但我既唧花技術真係有待改進......

整完曲奇就急急腳拎d粥俾亞懷食,因為唔想亞懷成日食飯盒or現成食物,所以去supermarket買左d餸整愛心通粉!!!搞完一大輪,亞棠剛黎到,之後同佢地食左d通粉,我又急急腳咁去醫院探grace.同佢傾左一陣,已經feel好累,grace叫我快d返屋企抖下,so我就打道回府了!!!

呢2日左撲右撲真係幾累!!!個人好似冇放過假咁.....但係值得既,朋友有需要,我絕對係義不容辭既!!!因為我相信,人與人之間是充滿愛的!!!

P.S.對一個人失望既感覺真的有點痛,有點酸,很不好受......!!!!!

溫暖牌^v^

呵呵......前排vicky古古怪怪咁問我關於頸巾既問題,問我夠唔夠長,如果唔夠長咁拆唔拆好......我都估到7成嘞!到左前幾日,我終於收到第一條'溫暖牌'頸巾啦!!!哈哈!!!

收到既時候真係幾感動同開心呀!!!雖然可能我個樣表露唔到我既開心,但我真係好開心,真係feel到好warm,好sweet!!! 我慣常每年都會織一條頸巾,每年我都會將頸巾送俾我既至愛親朋,因為我覺得親手做既小禮物,比起任何一樣名牌更加珍貴,收到既人會更感溫暖......今次我係第一次收到'溫暖牌',收到後既感覺真係難以言喻! vicky話佢織果時因為出錯拆了幾次,連原本織既黑色冷都起了'毛頭',所以換左呢隻冷啊!

hee.....多謝你啊!!! q^3^p

一隻pooh,一隻tigger,永遠的好朋友!!!

提拉米蘇的誘惑

Tiramisu-一種令人瘋狂的意大利甜品, 在義大利原文裡，「Tira」是「提、拉」的意思，「Mi」是「我」，「Su」是「往上」，合起來呢，就是「拉我起來」的意思。

好耐冇整過tiramisu了,前2日買左個mascapone cheese返黎,整左個小小既tiramisu俾媽媽既同事做生日蛋糕,500g既cheese用剩了大半,所以昨晚放工返黎食完飯就走入廚房搞搞震lu!!!我很愛tiramisu既味道,淡淡既mascapone襯著濃濃既coffee味.......軟滑濃郁!!!

哈哈!!!媽媽一定又話我整肥佢了........

同場加映:前幾日買左隻米奇老鼠杯,佢好靚啊!!!熟悉我既朋友一定會問:為何我會買米奇老鼠而唔買winnie the pooh呢??? 哈!因為這隻杯裝滿熱水係會變身ga,當我睇完個佢地既demo之後,米奇老鼠既變身靚d呀,亞pooh果個太普通了,這個米奇老鼠變身後會放煙花變魔術呀......hee....係咪好靚呢???^^

變身前

變身後