十分平安的平安夜....

今年既平安夜boss大發慈悲俾我地放埋果半日,但....係要扣半日大假!!!都好啦,好耐冇試過星期六放假了,所以朝早早了點起身同屋企人飲茶,之後出旺角同vicky行街街,陪佢去買衫做姊妹啊!
出到旺角真係好多人啊!!!woo......好迫好迫!!!我地目標為本,我要買boot,佢就要買姊妹裙,我地響我地既目標出發......我好快就買到我想買既boot,vicky都心郁郁想買喎,呵,行到最後佢都返去間鋪度買返心儀既boot,唔知佢係咪真係會著呢???
而姊妹裙呢......就比較棘手,行左好多間都睇唔o岩,行到vicky小姐無晒心機,扁晒咀咁!我地行到花園街既街尾,呵呵!終於皇天不負有心人,我好響一間鋪到睇o岩左幾條,sales姐姐仲好好咁叫我地俾左一條錢先,之後可以試埋其他果幾條,試o岩先多除少補喎!哈哈.....終於完成任務!望一望錶,係時候返屋企了!
原本諗住上vicky屋企同埋佢family食飯順便學下勾野,但媽媽打電話黎話打邊爐喎,咁我就返左屋企同埋表妹仔一家,珍姨,姨媽姨丈一齊打邊爐.....wooo....咁就過左個好平淡但好warm既平安夜!!!

merry christmas!!!