特別版!!!

嘩哈哈!!!我幾經辛苦終於儲齊一set miffy啦!!! heee....^^多謝各位好友,二妹,三妹&男友,仲有公司同事們既熱心幫助,我響咁短時間儲齊佢地,真係好開心啊!!! 總算係我呢排心情不佳既調劑.......

但......ok便利店已經出左6隻特別版,2隻透明(藍&橙) & 4隻係miffy既朋友仔,噢!又要繼續努力了!!! 我今日去ok買雪條得到5個,其中一個就係藍色透明特別版了....yeah!!!

我要放假!!!

woo...又到年尾了!剛剛秘書話我知我仲有13日半大假呀!嘩!我自己都嚇左一跳!所以又係時候plan下去旅行了!!!

其實我有好多地方想去呀,北京,九寨溝,德國,法國,意大利,英國,成個歐洲我都想去呀!!!去北京係因為我好想去睇胡同,萬里長城&故宮.九寨溝就因為睇到d promotion相好靚,好似postcard咁!!!德國因為queenie響度,有佢帶我去玩,又可以住響佢hostal,慳好多啊!英國其實我去過了,但上次玩得唔夠,好多地方都冇去到,london eye都只係影左相冇上到去(因為我去果日天氣唔好close左~),去到manchester又睇唔到波,所以好想好想再去多次!!!而且......hee....可能有人包我食宿喎!!!

今年我好想好想過一個白色xmas呀,所以有雪落既地方會係我首選.我前幾日check過去英國&德國既機票,check到cathay去英國竟然$3600咋!!!嘩!我真係想即刻訂左佢呀!!!去德國就要$5500,相差成$2000呀!!! 到我今日再check,噢!!!無啦!已經冇左$3600既機票嘞!!!v_v" wooo.......咁點好呢???

美味葡撻又黎啦....

整完麵包返到屋企,有d累,所以訓左一陣,哈!好耐未試過訓晏覺lu......起左身之後手痕痕,見雪櫃有pack急涷酥皮,咁.....又整一次葡撻啦!!!

見到有d蛋白用剩,當然唔好'晒',攞黎整埋蛋白撻啦!!!參考左sam sam既食譜,轉眼間,鮮奶蛋白撻就出爐嘞!!!

我的第一堂麵包課

之前見到sammy,yves同elsa果d包包咁吸引,搞到我心郁郁都想整包包,但我從未整過包包呀!!!前排上貓網見到有麵包堂,價錢又ok,所以問左yves既意見後,就膽粗粗同QQ一齊報名了!!!
hee...期待已久既麵包課今早10點就開始啦!!!課程得3個學生,所以時間比較充裕,自己量材料,之後搓麵粉,整麵團.等發酵既時候,我地當然唔放過呢d時間,係咁問miss野啦...!!!原來搓麵粉既手勢好緊要ga,真係有排學啊!!!哈哈,唔知係我d手勢唔好,定係我刮唔清個碗d材料,有d yeast仲響個碗度,我個方飽發得好慢,等左45mins先發左2倍,搞到miss遲晒落堂呀!!!
經過差唔多4個鐘既努力,我既麵包bb終於出世啦!!!hee...好開心呀!!!原來整麵包係辛苦過整蛋糕既,又要等佢發酵,用多好多時間.....都唔係好明點解麵包可以賣得咁平!!!

呢個係英式方包

脹卜卜豬仔包

香噴噴既蒜蓉包


仲有郁郁下既肉鬆包

打氣再打氣......

又一次打打氣......今次係為左好友vicky整既new york cheesecake,哈!不過昨日朝早起身幫佢甩模時太趕了,冇影到相啊!!!呢2張係之前整果次影ga......整俾佢果個有2個心心o架!!!呵!!!

其實vicky之前都同我講過呢個問題,只係大家都冇去找方法解決,今次其實係導火線o者!!!2個性格太相似既人,火星撞地球,你有你既道理,佢有佢既見解,誰是誰非,我諗已經唔重要了!!!朋友鬧交其實係一個好好既了解機會,會清楚呢個朋友多d,會知道點對呢個朋友係最好既......所以我有時覺得鬧交唔係唔好ga!只要大家嘈完,鬧完,知道大家既point,大家得到妥協,then可能係一個互相了解既方法啊!!!

鬧完大家既關係會點,感情會唔會好左,定係反左面,連朋友都冇得做呢??? 冇人知了!!!可能響呢一刻大家都好'火',好唔開心,但過了一段時間,終於明白左對方執著之處後,如果大家都有心想大家好,仲好care對方,仲好珍惜呢個朋友既話,我相信呢對朋友係有走返埋一齊既機會既......今日唔得,可能明日得呢......我信ga!!!因為我試過!!! 依家我地咪好好地,更加了解對方啦!!!

CHEER UP!!! q^v^p

堅持到底!!!

今晚約左grace & gary去睇'高兇三萬尺',今日gary去考車牌,哈!俾佢pass左喎!響馬鞍山過馬路都係小心d!!!哈!!!(講笑咋)
最開心係響戲院門口見到'如果.愛'既宣傳poster,我當然第一時間走去睇啦,嘩,金城武真係好型!!哈哈!!!跟住我就梗係響度係咁傻笑,笑到唔記得影相......呵呵!唔知幾時上畫呢???十分期待啊!!!

套戲其實都ok,我到中段已經知道個結局了!我很欣賞那個媽媽既堅持,女兒不見了,她用盡方法尋找女兒,連周圍既人話佢知個'真相'-佢女兒已經死了,她有精神病的.當機長列她為危險人物,要刑警用手銬扣住她,她都堅信自己係o岩既,不惜一切去尋找......

當然那個媽媽因為自己既堅持同努力,終於女兒安然無恙啦!!!好多時自己會受到外來既人和事影響,令自己既決定動搖, 令自己既信心動搖, 所以我好欣賞那個媽媽既堅持,我都會堅持到底,為自己努力!!!

miffy熱

有次同媽媽講起好友sammy鐘情miffy,佢突然話有ok便利店得送喎,仲即刻搵返本雜誌俾我睇,哈,又幾可愛喎!原本我冇諗住自己儲埋一份既,諗住幫sammy收集下,等佢快d完成一套,但當我見到佢個'真身',連我都愛上這套miffy公仔了!當然我有預sammy一份呀,hee....經過自己同同事們既努力,我仲爭幾隻咋......

前2日叫媽媽幫我買個木盒回來勾起d小miffy,連媽媽都話好靚呀,話儲齊後要放在客廳時展出櫃內啊!!!

為自己打打氣!!!

朝早起身同表妹仔佢地飲茶,之後就去左'寶福山'拜外公!拜完返到屋企都已經5點,因為全程都湊住表妹仔,俾佢左拖右拉,又俾佢撒嬌抱抱,所以好累了!!!
原本同gary約定一齊去陪亞grace,但今朝gary打黎話想早d去,之後返屋企陪媽媽食飯,所以佢去陪grace先!我返到屋企打俾grace,衰野竟然返左屋企打麻雀,真係俾佢激死!!!咁我咪買埋grace想食既曲奇餅出發去佢屋企,同gary交左更,上到屋企同grace成家人嘻嘻哈哈咁食左餐好餸飯,之後同佢,uncle & auntie一齊返醫院了!一路坐下傾下睇下電視,坐到差唔多9:30,隔壁婆婆要去'大大',咁我同grace就落左去門診果度睇電視嘞!睇到10點,我地話婆婆應該完事了,所以啟程返上房,我就返屋企lu!
返到屋企,心癢癢想整蛋糕,其實個人好累,但個心好想整,好想為自己打打氣!!!我揭揭食譜,都係選了小蛋糕,因我前幾日買左2杯芒果&桃味乳酪,所以今次就整了"芒果乳酪muffin"了!
簡簡單單既材料,我左拌右攪,一會兒麵團已經入爐了.過了一會,陣陣既芒果香從廚房傳出,好香啊!連妹妹都由睡房走出來問我整什麼蛋糕,為可咁香既......唔知桃味會唔會咁香呢???
這幾個小蛋糕,雖然程序簡單,但作為自己既打氣蛋糕,聞到陣陣香味,已經達到目的了!!!當然,明早屋企人既早餐有著落了,哈!

食譜如下:(改良自為食貓網) 整到大約9個小蛋糕

普通麵粉(或自發粉) 150克

發粉(如用自發粉，不用加發粉) 1/2湯匙

梳打粉 1/3茶匙

蛋 1隻

芒果乳酪 150毫升

糖 75克

已溶無鹽牛油 3湯匙

芒果香油 少許


1. 預熱焗爐至200度C。
2.將麵粉,發粉梳打粉過篩兩次。
3.然後將糖 ,蛋,牛油,乳酪,香油逐一加入拌好，攬至冇粒粒 。
4.鋪紙杯放入焗盤，倒入麵粉糊至八成滿，入焗爐12-15分鐘即成 。

陰晴不定!!!

昨晚好友grace入左聖德肋撒醫院body check,臨放工時諗住打俾佢問下出得院未,點知電話唔通,我留左言俾佢後就返屋企進行'執房大計'了!原本我好有mood執拾架,因為好想間房有新既境象,象徵住自己都'執拾'心情有新既一面!!!到左6點幾,grace打黎話仲響醫院未走得,聽到佢把聲好似有d野,so我立即出左去醫院陪佢!一見到佢,佢已經眼紅紅,我即刻唔知點好,其實依家都未知咩事,只係知道星期一要詳細再check,要做磁力共震.一路陪佢陪到差唔多11點先走......
其實真係好擔心佢,不論身體上還是情緒上我都好擔心!但我響呢個moment只可以做到企響佢身邊陪下佢,等佢冇咁悶啦!當然我十萬個希望佢冇事啦!!!
搭車返屋企時同人sms,有人話俾隻金色特別版既pooh我喎,即刻心情好返少少......hee....唔好賴帳呀!!!^^

終於開張啦.........

恭喜恭喜!!!呢個小小既blog終於開張了!!!真係好開心啊.......之前一直好想整一個關於自己既site,寫下自己生活既點滴,寫下整餅D瘀事,但我實左太懶啦!!!一直都只係響腦裏構思,想著想著,沒有'的'起心肝去做!!!其實之前都一直掙扎,究竟用Dreamweaver 寫一個完完整整既site好,定係寫個時下好興既blog就算呢......唉,以咁懶既我黎講,都係寫個blog先,踏出第一步嘛^^
我之前同自己講,我一定響今年整返個site俾自己,呢個總算係自己今年既小小願望......今日我終於做到啦!!!我會keep住update,唔會不了了之既.....
唔知點解呢排有d好想改變一下既感覺,好想做d野改變下現有既情況,不論工作上還是生活上,都想作出一點改變....寫呢個blog都算係一種呀!哈哈!!!

WELLCOME AND GLAD TO SEE U HERE!!!
q(^v^)p